SAHAR

عراق کے دارالحکومت بغداد میں امریکی کمپنی کیٹرپلر کی عمارت اور امریکی برطانوی انسٹی ٹیوٹ کیمبریج میں بم دھماکے ہوئے ہیں۔

سحر نیوز/ عالم اسلام: ارنا نے عراقی ذرائع ابلاغ کے حوالے سے رپورٹ دی ہے کہ آج صبح عراق کے دارالحکومت بغداد کے علاقے جادریہ میں امریکہ کی بھاری سازوسامان سے متعلق کمپنی کیٹرپلر کی عمارت کو اور بغداد میں ہی فلسطین اسٹریٹ کے پاس برطانوی امریکی کیمبریج انسٹی ٹیوٹ کو نامعلوم افراد نے اپنے حملوں کا نشانہ بنایا۔

عراقی ذرائع ابلاغ کی رپورٹ کے مطابق ان حملوں کے بعد اس ملک کی سیکورٹی فورسز امریکی کمپنی کی عمارت اور امریکی برطانوی انسٹی ٹیوٹ کے بالمقابل تعینات ہوگئيں۔ دھماکوں کی مزید تفصیلات موصول نہیں ہوئي ہیں۔