عراقی ذرائع کا کہنا ہے کہ شمالی عراق کے سرحدی علاقے کے قریب ترکیہ کے فوجی ہوائی اڈے پر حملہ کیا گیا ہے۔

سحرنیوز/ عالم اسلام: فارس نیوز ایجنسی کی رپورٹ کے مطابق یہ حملہ آج ایک چھوٹے ڈرون کے ذریعے کیا گیا اور یہ پہلا موقع ہے کہ اس بیس پر عراق کی سرحدی پٹی پر حملہ کیا گیا ہے۔

ذرائع نے بتایا ہے کہ اس ہوائی اڈے پر تعینات طیارہ شکن سسٹم نے ڈرون کو ترک فوجی ہیلی کاپٹروں تک پہنچنے سے پہلے ہی مار گرایا۔ یہ حملہ انقرہ کے دشمنوں کی بڑھتی ہوئی سرگرمیوں کی نشاندہی کرتا ہے۔

ذرائع کے مطابق، ترکیہ نے براہ راست حملوں کو روکنے کے لیے ان اڈوں میں جہاں فوجی ایر پورٹ ہیں اینٹی ڈرون سسٹم کو تعینات کرنا شروع کر دیا ہے ۔