سلامتی کونسل میں ترکیہ کی طرف سے فلسطین کی حمایت، مکمل رکنیت کا مطالبہ
Oct ۲۵, ۲۰۲۵ ۰۹:۱۱ Asia/Tehran
اقوام متحدہ میں ترکیہ کے نائب مندوب نے او آئی سی کے رکن ملکوں کی طرف سے سلامتی کونسل سے مطالبہ کیا ہے کہ فلسطین کو اقوام متحدہ کی مکمل رکنیت دلانے کے لئے جلد سے جلد ضروری اقدامات انجام دیئے جائيں
سحرنیوز/عالم اسلام: اقوام متحدہ میں ترکیہ کے نائب مندوب اصلی گوون نے مشرق وسطی کے حالات بالخصوص فلسطین کی صورت حال کے بارے میں سلامتی کونسل کے اجلاس سے خطاب میں فلسطین کو اقوام متحدہ کی مکمل رکنیت دیئے جانے کا مطالبہ کیا۔
انھوں نے کہا کہ اس میں شک نہیں کہ 22 ستمبر کو فلسطین کے بارے میں بین الاقوامی اجلاس میں، اقوام متحدہ کے رکن 11 ملکوں کے سربراہوں نے فلسطین کو ایک آزاد ملک کی حیثیت سے تسلیم کرنے کی بنیاد رکھ دی ہے۔
