SAHAR

یمن کے فوجی ذرائ‏ع نے سعودی عرب کے سیکڑوں تربیت یافتہ فوجی جوانوں کے یمن پہنچنے کی خبر دی ہے-

تسنیم نیوز ایجنسی کی رپورٹ کے مطابق یمن کے فوجی اور قبائلی ذرائع کا کہنا ہے کہ سعودی عرب کے سیکڑوں تربیت یافتہ فوجی، دسیوں گاڑیوں اور فوجی ہتھیاروں سے لیس ہو کر یمن میں داخل ہو گئے ہیں- یمن کے فوجی ذرائع کے مطابق سعودی فوجی، گاڑیاں اور ہتھیار، صوبہ مآرب اور شبوہ کی جانب پہنچائے جا رہے ہیں تاکہ یمنی فوج اور عوامی رضاکار فورسز سے برسرپیکار، سعودی ایجنٹوں کی مدد کی جا سکے- یمن کے فوجی اور قبائلی ذرائع نے تاکید کے ساتھ کہا ہے کہ ان سعودی فوجیوں اور ہتھیاروں کے یمن منتقل کئے جانے کا مقصد، عوامی انقلابی تحریک انصاراللہ سے وابستہ عوامی فورسز اور فوج کے خلاف کارروائیوں میں حصہ لینا ہے-