SAHAR

عراق میں عام شہریوں کے قتل عام میں کینیڈا کے جرائم کے ثبوت منظر عام پر آگئے ہیں

پریس ٹی وی کی رپورٹ کے مطابق امریکی وزارت دفاع پنٹاگون نے مشرق وسطی کے مسائل کے بارے میں نئی دستاویزات شائع کی ہیں - ان دستاویزات سے پتہ چلتا ہے کہ عراق میں کینیڈا کے لڑاکا طیاروں کے حملے، تقریبا ستائیس عام شہریوں کے مارے جانے کا باعث بنے ہیں- کینیڈا کے حکام نے اس رپورٹ کو مسترد کرتے ہوئے اسے غیر معتبر قرار دیا ہے-


ان دستاویزات کے مطابق یکم جنوری دوہزار پندرہ کو شہر موصل کے قریب کینیڈا کے لڑاکا طیاروں کی بمباری میں عام عراقی شہری مارے گئے تھے- کینیڈا کے یہ حملے داعش کے خلاف نام نہاد اتحاد کی کارروائیوں کا حصہ تھے- ان حملوں کا مقصد ، عراق کی کرد پیشمرگہ فورس کی طرف داعش کی پیشقدمی کو روکنا تھا-امریکہ اور اس کے اتحاد اگست دوہزار چودہ سے عراق پرحملے کر رہے ہیں۔


 ان کا کنہا ہے وہ داعش دہشت گرد گروہ کے ٹھکانوں کو نشانہ بناتے ہیں-امریکہ کی سرکردگی میں قائم نام نہاد داعش مخالف اتحاد کے حملوں میں اس سے پہلے بھی عام شہریوں کے مارے جانے کی خبریں منظر عام پر آچکی ہیں۔