SAHAR

فرانس کے سابق وزیر اعظم نے تاکید کے ساتھ کہا ہے کہ ان کے ملک کو داعش دہشت گرد گروہ کے نفوذ کو روکنے کے لئے حزب اللہ لبنان اور شامی فوج کی حمایت کرنا چاہئے

فرانس کے سابق وزیراعظم فرانسوا فیون نے داعش دہشت گرد گروہ کے حقیقی مخالفین کی حمایت کرنے کی اپیل کرتے ہوئے کہا ہے کہ داعش کے خلاف جدوجہد میں شامی فوج اور حزب اللہ کی حمایت کرنا چاہئے ورنہ شام ، دہشت گردوں کے ہاتھ میں آجائے گا-

فرانس کے سابق وزیراعظم نے اس بات کی جانب اشارہ کرتے ہوئے کہ صرف شامی فوج اور حزب اللہ ہی داعش کے خلاف لڑ رہے ہیں ، دمشق حکومت کے ساتھ سفارتی تعلقات بحال کرنے کی درخواست کی ہے-

فرانسوا فیون نے حکومت شام کے مخالف مسلح گروہوں کی جانب اشارہ کرتے ہوئے کہا کہ مسلح شامی مخالفین کا حزب اللہ ، شامی فوج اور کرد جنگجؤوں سے کوئی موازنہ ہی نہیں کیا جا سکتا-