SAHAR

جنوبی وزیرستان کے مرکزی شہر وانا میں ہونے والے بم کے ایک دھماکے میں آٹھ سیکورٹی اہلکار زخمی ہوگئے ہیں۔

مقامی ذرائع کے مطابق وانا بائی پاس کے قریب سڑک کے کنارے نصب بم کا یہ دھماکہ منگل کی صبح اس وقت ہوا جب سیکورٹی اہلکاروں کی گاڑی وہاں سے گزر رہی تھی۔

دھماکے سے گاڑی تباہ ہوگئی اور اس میں سوار آٹھ اہلکار زخمی ہو گئے جن میں سے دو کی حالت نازک بتائی جاتی ہے۔ تاحال کسی شخص یا گروہ نے اس دھماکے کی ذمہ داری قبول نہیں کی ہے۔ تاہم پاکستانی حکام عموما طالبان دہشت گردوں کو اس طرح کے حملوں کا ذمہ دار قرار دیتے ہیں۔