پاکستان کے صوبہ بلوچستان کے علاقے مستونگ میں ریلوے لائن پر دھماکے سے چار افراد جاں بحق اور دس زخمی ہوگئے۔

فارس خبررساں ایجنسی کے مطابق اتوار کو مستونگ میں کوئٹہ سے راولپنڈی جانے والی جعفر اکسپریس کے راستے میں دھماکے کے نتیجے میں ریل گاڑی کے متعدد ڈبے پٹری سے اترگئے۔

اس رپورٹ کے مطابق حادثے میں کم سے کم چار مسافر جاں بحق اور دس زخمی ہوگئے ۔

زخمیوں میں تین کی حالت نازک بتائی گئی ہے۔ آخری اطلاع ملنے تک کسی بھی گروہ نے اس دھماکے کی ذمہ داری قبول نہیں کی تھی ۔