SAHAR

روزنامہ نیویارک ٹائمز کو دیئے گئے اپنے ایک انٹرویو میں پاکستان کے وزیراعظم عمران خان نے جموں کشمیر کی خصوصی حیثیت ختم کیے جانےکے معاملے میں نئی دہلی اور اسلام آباد کے درمیان پیدا ہونے والی حالیہ کشیدگی کا ذکر کرتے ہوئے کہا کہ ہندوستان کو پاکستان کے ساتھ اپنے اختلافات کے حل میں کوئی دلچسپی نہیں ہے ۔انہوں نے کہا کہ نئی دہلی کے جارحانہ رویئے نے وادی کشمیر کے آٹھ لاکھ لوگوں کی جانوں کو خطرے میں ڈال دیا ہے۔پاکستان کے وزیر اعظم نے عالمی مبصرین اور اقوام متحدہ کی امن فوج جموں کشمیر بھیجنے کا بھی مطالبہ کیا۔حکومت ہندوستان کی جانب سے جموں کشمیر کی خصوصی حیثیت ختم کیے جانے کے بعد نئی دہلی اور اسلام آباد کے درمیان کشیدگی میں شدت پیدا ہوگئی ہے۔پاکستان نے جوابی اقدامات کے طور پر ہندوستان کے ساتھ اپنے سفارتی تعلقات کی سطح میں کمی اور نئی دہلی کے ساتھ تجارتی اور ثقافتی تعلقات مکمل طور پر منقطع کر دیئے ہیں۔