SAHAR

پاکستان کرکٹ بورڈ کے چیئرمین کا کہنا ہے کہ ناقص کارکردگی کرنے والے کھلاڑیوں کے خلاف کارروائی کی جائے گی۔

سحرنیوز/پاکستان: پی سی بی کے چیئرمین محسن نقوی نے لاہور میں میڈیا سے گفتگو میں کہا ہے کہ بابر اعظم کو تبدیل کرنے سے متعلق ابھی کوئی فیصلہ نہیں ہوا۔ ان کا کہنا تھا کہ کپتان کو تبدیل کرنے سے متعلق سابق کرکٹرز فیصلہ کریں گے۔
محسن نقوی کا کہنا ہے کہ مجھے بھی محسوس ہوا کہ غلطیاں ہوئی ہیں لیکن سابق کرکٹرز فیصلہ کریں گے، ورلڈ کپ کے بعد بابر اعظم اور وہاب ریاض سے ملاقات نہیں ہوئی۔
ان کا کہنا ہے کہ ورلڈ کپ میں ڈریسنگ روم میں کون کھلاڑی ہدایات پر عمل کر رہا تھا کون نہیں سب پتہ لگ جائے گا، پاکستانی کرکٹرز کے ساتھ ملک میں یا بیرون ملک شائقین کرکٹ بدتمیز کریں گے تو نتائج کے ذمے دار وہ خود ہوں گے۔