SAHAR

پاکستان کے وزیر دفاع خواجہ آصف نے کہا ہے کہ وزیر اعلی خیبرپختونخوا علی امین گنڈا پور خود بانی پی ٹی آئی کی جگہ لینا چاہتے ہیں

سحرنیوز/پاکستان: جیو نیوز کے ایک پروگرام میں بات چیت کرتے ہوئے پاکستانی وزير دفاع خواجہ آصف نے کہا کہ پی ٹی آئی کی قیادت خاص طور پر خیبرپختونخوا کے رہنما نہیں چاہتے کہ بانی پی ٹی آئی جیل سے باہر آئیں۔ وہ خود بانی پی ٹی آئی کی جگہ لینا چاہتے ہيں۔ ان کے اسٹیبلشمنٹ سے رابطے ہیں، مگر بانی پی ٹی آئی سمجھتے ہیں کہ یہ رابطے ان کے کام آئیں گے، یہ سب ایک دوسرے کو استعمال کر رہے ہیں۔
ان کا کہنا تھا کہ گنڈاپور چار دیواری میں الگ زبان استعمال کرتے ہیں اور اسٹیج پر آکر مولاجٹ بن جاتے ہیں۔ خواجہ آصف نے کہا کہ شہباز شریف سے ملاقات میں تو وہ پوری شوگر مل بنے ہوئے تھے۔