SAHAR

دنیا کے عظیم باکسر اور تین بار عالمی ہیوی ویٹ چمپیئن محمد علی کو آئندہ جمعے کو ان کے آبائی شہر لوئس ولی میں دفن کیا جائے گا۔

واشنگٹن سے موصولہ خبروں میں کہا گیا ہے کہ دنیا کے عظیم باکسر محمد علی کلے کو جن کا جمعے اور ہفتے کی درمیانی رات انتقال ہو گیا تھا، آئندہ جمعے کو امریکی ریاست کینٹکی کے شہر لوئس ولی میں دفن کیا جائے گا جو ان کا آبائی شہر ہے۔

محمد علی کے انتقال پر کھیل، سیاست، ثقافت اور سماجی امور میں سرگرم دنیا کی اہم شخصیات نے اپنے گہرے رنج و غم کا اظہا کیا ہے-

محمد علی کلے جہاں ایک عظیم باکسر تھے وہیں وہ سماجی میدان میں بھی اپنا منفرد مقام رکھتے تھے- بتایا جاتا ہے کہ سابق امریکی صدر بل کلنٹن سمیت امریکا کی مختلف سیاسی اور سماجی شخصیات بھی محمدعلی کلےکی تدفین میں شریک ہوں گی۔