اسلامی جمہوریہ ایران نے ایشین کپ فٹبال کے کواٹر فائنل میں چین کو تین صفر سے شکست دے دی۔

متحدہ عرب امارات کے دارالحکومت ابوظہبی کے محمد بن زائد  اسٹیڈیم میں جمعرات اور جمعے کی درمیانی شب  کھیلے گئے ایشین کپ فٹبال کے کواٹر فائنل میچ میں ایران کی قومی ٹیم نے شاندار کھیل کا مظاہرہ کرتے ہوئے چین کو صفر کے مقابلے میں تین گول سے شکست دے دی اور سیمی فائنل کھیلنے کا اعزاز حاصل کر لیا-

میچ کے پہلے ہاف میں مہدی طارمی اور سردار آزمون نے گول کئے جبکہ دوسرے ہاف میں کریم انصاری فر نے ایران کی جانب سے تیسرا گول کیا-

اب سیمی فائنل میں ایران کا مقابلہ جاپان سے ہو گا- ایران اب تک تین بار فٹبال کا ایشین کپ جیت چکا ہے- فٹبال کی درجہ بندی میں بھی ایران ایشیا میں پہلے نمبر پر ہے-