SAHAR

انڈونیشیا کی فوج نے ایک فوجی ہیلی کاپٹر کے گرکر تباہ ہونے کے نتیجے میں تیرہ افراد کے ہلاک ہونے کی خبر دی ہے -

پریس ٹی وی کی رپورٹ کے مطابق وسطی انڈونیشیا میں فوجی ہیلی کاپٹر حادثے کے باعث گر کر تباہ ہوگیا، جس کے نتیجے میں اس میں سوار تیرہ افراد ہلاک ہوگئے-

اس رپورٹ کے مطابق مقامی فوجی ترجمان کا کہنا تھا کہ ہیلی کاپٹر پر تیرہ فوجی افسران سوار تھے اور ابتدائی رپورٹس کے مطابق تمام فوجی ہلاک ہوگئے ہیں تاہم ان کے حوالے سے معلومات حاصل کرنے کی کوشش کررہے ہیں۔

خیال رہے کہ مذکورہ ہیلی کاپٹر انڈونیشیا کے وسطی علاقے سولاویسی کے ضلع پوسو کے ایک گاؤں میں گر کر تباہ ہوا، جہاں ایک عسکریت پسند گروپ حکومت کے خلاف گوریلا کارروائیوں میں مصروف ہے۔