لبنان، جنگ بندی کے باوجود صیہونی ڈرون حملہ، لبنانی شہری شہید
-
صیہونی حکومت جنگی طیاروں سے بھی جنوبی لبنان پر حملے کرتی رہتی ہے
صیہونی حکومت نے لبنان کے ساتھ جنگ بندی کو پاؤں تلے روندتے ہوئے ایک بار پھر ایک گاڑی کو فضائی حملے کا نشانہ بناکر اسے تباہ کردیا۔
سحرنیوز/عالم اسلام: روزنامہ الاخبار کی رپورٹ کے مطابق، صیہونی فوج نے لبنان کے جمیجمہ- صفد البطیخ میں جانے والی ایک پک اپ گاڑی کو میزائل حملے کا نشانہ بنایا۔
اس کھلی جارحیت میں گاڑی تباہ اور ایک لبنانی شہری کی شہادت واقع ہوگئی۔
دریں اثنا صیہونی فوج نے دعوی کیا ہے کہ اس حملے میں حزب اللہ کا ایک اہلکار مارا گیا ہے۔
قابل ذکر ہے کہ صیہونی حکومت نے جنگ بندی کے اعلان کے بعد متعدد بار ایسے دعوے کیے ہیں کہ اس کے ڈرون حملوں میں حزب اللہ کے سپاہی مارے جا رہے ہیں تاہم بارہا ان کے دعوے جھوٹے ثابت ہوچکے ہیں۔
ہمیں فالو کریں:
Follow us: Facebook, X, instagram, tiktok whatsapp channel
یہ حملے ایسی حالت میں جاری ہیں کہ جنگ بندی کی ضمانت کرنے والے ممالک نہ صرف ان جارحیتوں کی مذمت نہیں کرتے بلکہ ان بزدلانہ حملوں کو صیہونی حکومت کا حق قرار دے رہے ہیں۔
