SAHAR

کینیڈا کے شہر کیوبک کی مسجد میں مسلح افراد کی فائرنگ کے نتیجے میں چھے افراد جاں بحق اور آٹھ دیگر زخمی ہو گئے۔

پریس ٹی وی نے کیوبک اسلامی ثقافتی مرکز کے حوالے سے بتایا ہے کہ تین حملہ آوروں نے مسجد میں گھس کر اس وقت فائرنگ کر دی جب لوگوں کی ایک تعداد نماز عشا کی ادائیگی میں مصروف تھی۔ کہا جا رہا ہے کہ فائرنگ کے وقت مسجد میں چالیس کے قریب افراد موجود تھے۔کینیڈین پولیس نے مسجد پر فائرنگ کرنے والے دو افراد کو گرفتار کرنے کا دعوی کیا ہے۔صوبہ کیوبک کے پرائم منسٹر فلپ کوئیلارڈ نے اپنے ٹوئٹر پیغام میں کہا ہے کہ حکومت، کیوبک کے لوگوں کی سیکیورٹی کے لیے سرگرم  ہے۔انھوں نے اپنے ایک پیغام میں لکھاکہ کیوبک اس انسانیت سوز تشدد کے خلاف ہے۔