SAHAR

امریکی صدر ڈونلڈ ٹرمپ نے ڈیموکریٹ پارٹی پر کابینہ کی تشکیل میں رکاوٹیں ڈالنے کا الزام عائد کیا ہے۔

امریکی صدر ڈونلڈ ٹرمپ کا کہنا تھا کہ ڈیموکریٹ پارٹی سیاسی محرکات کی بنیاد پر نئی کابینہ کی تشکیل میں مشکلات پیدا کرنے کی کوشش کر رہی ہے۔
اس سے قبل ڈیموکریٹ پارٹی کے سبکدوش ہونے والے امریکی صدر بارک اوباما نے ملک میں ہرقسم کے مذہبی تعصبات کی مخالفت کرتے ہوئے کہا تھا کہ امریکی عوام ٹرمپ کی پالیسیوں سے خوش نہیں ہیں۔
 اوباما نے یہ بات زور دے کر کہی تھی کہ ملک میں سیاسی مظاہرے کرنا عوام کا قانونی حق ہے۔
قابل ذکر ہے کہ امریکی صدر کے حالیہ احکامات کے خلاف امریکہ بھر میں مظاہرے کیے جارہے ہیں جبکہ امریکہ جانے والے سیکڑوں مسافر مختلف ہوائی اڈوں پر پھنسے ہوئے ہیں۔