شاہرائے ریشم کے حوالے سے ون بیلٹ ون روڈ منصوبے کے بارے میں پہلا اجلاس چین کے دارالحکومت بیجنگ میں ختم ہوگیا ہے۔

<VO>اجلاس کے اختتامی بیان میں تمام ملکوں سے اپیل کی گئی ہے کہ وہ ایوی ایشن، نیوی گیشن اور دیگر مواصلاتی رابطوں کو مضبوط اور پائیدار بنانے میں ایک دوسرے کے ساتھ تعاون کریں۔اس بیان میں اجلاس میں شریک ملکوں سے یہ بھی اپیل کی گئی ہے کہ وہ یکطرفہ تجارتی سرگرمیوں کا بھی مقابلہ کریں اور عالمگیریت کے عمل کو روکے جانے کی اجازت نہ دیں۔چین کے صدر شی جن پینگ نے اس عالمی اجلاس سے خطاب کرتے ہوئے کہا ہے کہ ان کا ملک ون بیلٹ ون روڈ منصوبے پر سو ارب ڈالر کی رقم خرچ کرے گا۔ون بیلٹ ون روڈ اجلاس اتوار کے روز بیجنگ میں شروع ہوا تھا جس میں ایران سمیت دنیا کے ایک سو سے ملکوں اور عالمی اداروں کے اعلی عہدیدار شریک تھے۔