امریکی صدر ٹرمپ نے وائٹ ہاؤس کے ڈائریکٹر کمیونیکیشن انتھونی اسکارا موچی کو محض دس دن بعد ہی ان کے عہدے سے برطرف کردیا

ٹرمپ نے اسکارا موچی کو صرف دس دن پہلے ہی وائٹ ہاؤس کے کمیونیکیشن کے شعبے کا ڈائریکٹر مقرر کیا تھا البتہ ان کی تقرری پر کافی تنازعہ بھی ہوا تھا اور اسی تنازعے کے نتیجے میں وائٹ ہاؤس کے ترجمان نے اپنے عہدے سے استعفا بھی دے دیا تھا اور کہا تھا کہ ٹرمپ نے یہ ایک بڑی غلطی کی ہے - اسکارا موچی کی برطرفی کی خبر وائٹ ہاؤس کے نئے چیف آف اسٹاف جان کیلی کے ذریعے عہدہ سنبھالنے کے چند گھنٹے کے بعد ہی سامنے آئی ہے- اس سے پہلے ٹرمپ نے رینس پریبس کو وائٹ ہاؤس کے چیف آف اسٹاف کے عہدے سے برطرف کردیا تھا - کہا جا رہا ہے کہ نئے چیف آف اسٹاف جان کیلی نے ٹرمپ سے درخواست کی تھی کہ وہ اسکارا موچی کو برطرف کردیں-