یہودی پروفیسروں کی جانب سے ٹرمپ کی مذمت
Dec ۰۹, ۲۰۱۷ ۱۴:۳۴ Asia/Tehran
امریکی یونیورسٹیوں کے ایک سو بیس یہودی اساتذہ نے ایک شکایت نامے پر دستخط کرکے بیت المقدس کے بارے میں امریکی صدر ٹرمپ کے فیصلے کی مذمت کی۔
اس شکایت نامے پردستخط کرنے والوں نے امریکی صدر کی جانب سے بیت المقدس کو اسرائیل کا دارالحکومت تسلیم کرنے اور سفارت خانے کی منتقلی کے اعلان پر شدید غم و غصے کا اظہار کرتے ہوئے اس پر نظرثانی کئے جانے کا مطالبہ کیا۔
اس شکایت نامے میں وائٹ ہاؤس سے مطالبہ کیا گیا کہ وہ ٹرمپ کے فیصلے سے پیدا ہونے والی کشیدگی کو کم کرنے کے لیے فوری اقدامات عمل میں لائے اور بیت المقدس کے بارے میں فلسطینیوں کے قانونی حق کی پاسدارای کا اعلان کرے۔
امریکی یونیورسٹیوں کے مذکورہ یہودی اساتذہ نے اسرائیل کو فلسطینی عوام کے خلاف منظم جرائم کے ارتکاب کا ذمہ دار بھی قرار دیا۔
