ہیلی کاپٹر حادثے میں4 امریکی سیاح ہلاک
Mar ۰۵, ۲۰۱۹ ۰۷:۵۶ Asia/Tehran
کینیا میں ہیلی کاپٹر گرنے کے نتیجے میں 4 امریکی سیاحوں سمیت مقامی پائلٹ ہلاک ہوگیا۔
بین الاقوامی خبر رساں ادارے کے مطابق افریقی ملک کینیا کے شمال مغرب میں جھیل تُرکانا میں واقع دور دراز جزیرے پر ایک ہیلی کاپٹر حادثے میں 5 افراد ہلاک ہوگئے۔ ہیلی کاپٹر میں 4 امریکی سیاح سوار تھے جب کہ پائلٹ مقامی شہری تھا۔
پولیس کا کہنا ہے کہ ہیلی کاپٹر حادثہ سینٹرل آئی لینڈ نیشنل پارک میں رات کے وقت پیش آیا، ہیلی کاپٹر میں سوار پانچوں افراد ہلاک ہوگئے، پولیس کی جانب سے ہلاک ہونے والے امریکی سیاحوں کی شناخت ظاہر نہیں کی گئی تاہم امریکا میں مقیم اُن کے اہل خانہ کو حادثے سے آگاہ کردیا گیا ہے۔
