اقوام متحدہ نے کیا ایران اور وینزویلا پر عائد پابندیوں کو ختم کرنے کا مطالبہ
اقوام متحدہ کے ہائی کمشنر برائے انسانی حقوق نے کورونا وائرس کا مقابلہ کرنے کیلئے اسلامی جمہوریہ ایران اور وینزویلا پر عائد پابندیوں کو بر طرف یا ختم کرنے کا مطالبہ کیا۔
اقوام متحدہ کے ہائی کمشنر برائے انسانی حقوق میشل باشلت Michelle Bachelet نے آج جمعہ کے روز فرانس 24 ٹیلی ویژن چینل سے گفتگو میں کورونا کے پھیلاو کی جانب اشارہ کرتے ہوئے کہا کہ موجودہ صورتحال اس بات کا تقاضا کرتی ہے کہ انسانی جانوں کو بچانے کیلئے اسلامی جمہوریہ ایران اور وینزویلا کے خلاف عائد امریکی پابندیوں کو بر طرف یا ختم ہونا چاہئیے۔
انہوں نے کہا کہ پابندیوں کی فہرست سے طبی سازوسامان کو نکالنے کا عمل بہت کمزور ہے اور صرف اور صرف پابندیوں کا خاتمہ ہی اس سلسلے میں موثرہے۔
عالمی سطح پر ایران کے خلاف عائد امریکی پابندیوں کے خاتمے کے مطالبوں کے باوجود ٹرمپ کی حکومت ایران کے خلاف پابندیوں پر عمل در آمد کرنے پر تاکید کر رہی ہے۔
