فرانس میٹرو میں ایک چاقو بردار شخص نے حملہ کرکے کئی افراد کو زخمی کر دیا ہے۔

سحرنیوز/دنیا: فرانسوی بی ایف ام ٹی وی نے پولیس ذرائع کے حوالےسے خبر دیتے ہوئے بتایا ہے کہ پیرس کے ایک میٹرو اسٹیشن میں ایک نامعلوم چاقوبردار شخص نے حملے کرکے کئی افراد کو زخمی کر دیا ہے۔

فیگارو کی رپورٹ کے مطابق زخمی ہونے والوں کی تعداد 6 ہے جن میں ایک پولیس اہلکار بھی شامل ہے۔ رپور ٹ کے مطابق پولیس نے حملہ آور شخص کو زخمی حالت میں گرفتار کر لیا ہے جس کی حالت خراب بتائی جا رہی ہے۔ابھی تک اس شخص کے حملہ کرنے کی وجہ سامنےنہیں آسکی ہے۔ حملہ کی وجہ سے پیرس میں میٹروٹرین کا نظام عارضی طورپر تعطل کا شکار ہو گیا۔