SAHAR

کولمبیا کے علاقے کالی میں ایئربیس پر کار بم دھماکے اور ڈرون طیاروں سے کئے جانے والے حملوں میں آٹھ افراد ہلاک اورچھتیس دیگر زخمی ہو گئے۔

سحرنیوز/دنیا: میڈیا رپورٹوں کے مطابق کولمبیا پولیس کا کہنا ہے کہ حملہ آور کا ہدف ملٹری ایوی ایشن اسکول تھا، دھماکہ اس قدر شدید تھا کہ قریب میں واقع عمارتیں بھی لرز اٹھیں اور لوگوں نے قریبی عمارتیں بھی خالی کردیں۔ 

غیرملکی میڈیا کے مطابق زخمیوں میں سے کئی افراد کی حالت نازک ہے، دھماکے سے علاقے میں افراتفری مچ گئی جبکہ حملہ کی وجہ معلوم نہیں ہوسکی۔

دوسری جانب امدادی کارکن فوری طور پر موقع پر پہنچ گئے اور زخمیوں کو قریبی اسپتال منتقل کردیا گیا۔

مزید تفصیلات ابھی سامنے نہیں آئي ہیں۔