ہندوستان میں کورونا کے مریضوں کی تعداد اور اموات میں اضافہ
Mar ۳۱, ۲۰۲۰ ۱۹:۳۴ Asia/Tehran
ہندوستان میں بھی کورونا وائرس سے متاثرین اور اموات میں اضافے کی خبر ہے۔
ہندوستان کی وزارت صحت نے بتایا ہے کہ گزشتہ بارہ گھنٹے میں کورونا وائرس کے ایک سو اسّی معاملات سامنے آئے ہیں جس کے بعد ملک میں کورونا وائرس میں مبتلا افراد کی مجموعی تعداد بارہ سو اکیاون ہو گئی ہے۔
رپورٹ کے مطابق ملک بھر میں کورونا وائرس سے مرنے والوں کی تعداد بتیس ہو چکی ہے۔ قابل ذکر ہے کہ ہندوستان کی ستائیس ریاستوں میں کورونا وائرس کے کیسز رکارڈ کئے گئے ہیں ۔
مرکزی حکومت کے اعلان پر سخت ترین ملک گیر لاک ڈاؤن کے باوجود، ہندوستان میں کورونا وائرس کے پھیلاؤ کا مشاہدہ کیا جا رہا ہے۔