ایران میں جدید ترین سپر کمپیوٹر کی تیاری
Aug ۱۸, ۲۰۱۹ ۱۵:۲۵ Asia/Tehran
ایرانی ماہرین نے جدید ترین سپر کمپیوٹر کی تیاری کا کام شروع کر دیا ہے۔
ایران کے وزیر ٹیلی کمیونیکیشن محمد جواد آذری جہرمی نے اپنے ایک ٹوئٹ میں بتایا ہے کہ سیمرغ نامی سپر کمپیوٹر کی تیاری کا کام آئندہ سال تک مکمل ہو جائے گا۔
انہوں نے کہا یہ سپرکمپیوٹر اپنے پچھلے ورژن کے مقابلے میں کہیں زیادہ طاقتور ہو گا اور یہ روز گار کی فراہمی اور مصنوعی ذہانت کی ترقی کے حوالے سے لوگوں خدمت کرے گا۔
رہبر انقلاب اسلامی آیت اللہ العظمی سید علی خامنہ ای نے ملک بھر کے ذہین طلبہ اور عالمی سائنسی مقابلوں میں انعام حاصل کرنے والے نوجوانوں سے خطاب کرتے ہوئے فرمایا تھا کہ ملک کے لیے سود مند سائنسی ترقی کا حصول، انقلابی سوچ اور اسلامی فکر کی بنیاد پر ممکن ہے۔
آپ نے ایرانی نوجوانوں پر زور دیا تھا کہ وہ علم و دانش کی چوٹیوں کی تلاش اور انہیں سر کرنے پر اپنی پوری توجہ مرکوز کریں۔
قابل ذکر ہے کہ سن دو ہزار اٹھارہ کی سائنسی درجہ بندی میں اسلامی جمہوریہ ایران مغربی ایشیا میں پہلے اور دنیا میں سولہویں نمبر پر تھا۔