امریکا کی اقتصادی دہشت گردی پر ایرانی وزیرخارجہ کی تنقید
Sep ۱۱, ۲۰۱۹ ۱۹:۲۹ Asia/Tehran
اسلامی جمہوریہ ایران کے وزیرخارجہ ڈاکٹر محمدجواد ظریف نے ایران کے خلاف امریکا کی اقتصادی دہشت گردی میں شدت پیدا کرنے کے واشنگٹن کے اعلان پر تنقید کرتے ہوئے کہا کہ جنگ کی پیاس بھی جنگ پسندوں کے سرغنے کے چلے جانے کے ساتھ ہی ختم ہوجانی چاہئے
ایران کے وزیرخارجہ ڈاکٹر محمد جواد ظریف نے اپنے ٹویٹر پیج پر لکھا کہ ایک ایسے وقت جب دو یا تین جنگ پسندوں کوچھوڑ کر پوری دنیا کہ ٹیم بی کے سرغنے کو وائٹ ہاؤس سے نکال دئے جانے کے بعد سکھ کا سانس لینا چاہ رہی تھی امریکی وزیرخارجہ پمپیئو اور وزیرخزانہ منوچین نے ایران کے خلاف اقتصادی دہشت گردی میں شدت لانے کا اعلان کردیا - وزیرخارجہ ڈاکٹر جواد ظریف نے اس سے پہلے کہا تھا کہ صیہونی وزیراعظم بینیامین نتنیاہو ، سعودی ولیعہد بن سلمان اور متحدہ عرب امارات کے ولیعہد بن زائد علاقے میں جنگ کی آگ بھڑکانا چاہتے ہیں -