اسرائیلی جنگی طیاروں کا دمشق ایئرپورٹ پر حملہ
Jan ۱۲, ۲۰۱۹ ۱۰:۵۵ Asia/Tehran
شام کے ذرائع ابلاغ کا کہنا ہے کہ قدس کی غاصب اور جابر صیہونی حکومت کے جنگی طیاروں نے کل رات دمشق ایئرپورٹ پر حملہ کیا۔
شام کی سرکاری نیوز ایجنسی سانا کی رپورٹ کے مطابق اسرائیلی فضائیہ نے شام کے دارالحکومت دمشق کے ہوائی اڈے پر کئی میزائل داغے ہیں۔ اسرائیلی جنگی طیاروں نے رات کے وقت یہ فضائی حملہ کیا جس میں دمشق ایئرپورٹ کے ایک گودام کو نشانہ بنایا جس سے اس گودام کو نقصان پہنچا۔
شام کے فضائی دفاعی نظام نے جوابی کارروائی کرتے ہوئے کئی میزائلوں کو تباہ بھی کردیا ہے۔
یاد رہے کہ 25 دسمبر کو بھی اسرائیل نے شام پر میزائلی حملہ کیا تھا جس میں 3 شامی فوجی زخمی ہوئے تھے۔