SAHAR

عراق کی قومی ایرلائنز کے ترجمان نے اعلان کیا ہے کہ شام کے لئے عراق کی پروازوں کا سلسلہ دوبارہ شروع ہو گیا ہے۔

لیث الربیعی نے اعلان کیا ہے کہ دو ہزار گیارہ میں شام کا بحران شروع ہونے کے بعد یہ پہلی بار ہے کہ بغداد اور دمشق کے درمیان پرواز کا یہ سلسلہ شروع کیا جا رہا ہے۔
انھوں نے کہا کہ ہفتے کے روز سے شروع ہونے والی یہ پرواز ہفتے میں ایک بار انجام پائے گی۔
لیث الربیعی نے کہا کہ عراق اور شام کے درمیان بغداد دمشق پرواز شروع کئے جانے کا مقصد، دونوں ملکوں کے درمیان تجارتی و سیاحتی سرگرمیوں کو فروغ دینا ہے تاکہ دونو ممالک کے شہری ایک دوسرے کے ملک میں رفت و آمد کا سلسلہ جاری رکھ سکیں۔