ہندوستان میں فضائی آلودگی کا مسئلہ ، کانگریس کی مرکزی حکومت پر سخت تنقید

Jan ۱۹, ۲۰۲۶ ۲۱:۱۶ Asia/Tehran

ہندوستان میں فضائی آلودگی کے بحران اور اس تعلق سے ورلڈ بینک کی تازہ رپورٹ پر کانگریس نے مرکزی حکومت کو سخت تنقید کا نشانہ بنایا ہے-

سحرنیوز/ہندوستان: کانگریس کے سینئر رہنما جے رام رمیش نے فضائی آلودگی کے بڑھتے ہوئے بحران پر مرکزی حکومت کو سخت تنقید کا نشانہ بناتے ہوئے ایکس پر اپنی پوسٹ میں ورلڈ بینک کی تازہ رپورٹ کا حوالہ دیتے ہوئے کہا کہ انڈو -گنگا میدانی علاقے اور ہمالیہ کے دامن کے علاقوں میں ہر سال دس لاکھ افراد فضائی آلودگی کی وجہ سے وقت سے پہلے مر جاتے ہیں مگر اس کے باوجود مودی حکومت اس بحران کو سنجیدگی سے لینے کے بجائے مسلسل انکار کی پالیسی پر قائم ہے۔

ہمیں فالو کریں:

کانگریس لیڈر جے رام رمیش کے مطابق ورلڈ بینک کی رپورٹ واضح طور پر بتاتی ہے کہ کوئلے سے چلنے والے پرانے بجلی گھروں، بڑھتی ہوئی گاڑیوں، ناقص ایندھن کے استعمال اور کمزور نفاذی نظام نے صورتحال کو مزید بگاڑ دیا ہے۔