Feb ۱۸, ۲۰۲۰ ۱۰:۴۸ Asia/Tehran
  • اسرائیلی جھنڈا نذر آتش کرنے پر بحرینی نوجوان کو سزا

بحرین کی ایک عدالت نے ایک بحرینی نوجوان کو اسرائیل کے پرچم کو آگ لگانے کے جرم میں 3 سال قید کی سزا سنائی۔

بحرین کی ایک عدالت نے ایک بحرینی نوجوان کو اسرائیل کے پرچم کو آگ لگانے کے جرم میں 3 سال قید کی سزا سنائی ہے۔ فارس خبر رساں ایجنسی کی رپورٹ کے مطابق ایک بحرینی نوجوان نے مئی کے مہینے میں بحرین کے علاقے ابوصیبه میں ہونے والے مظاہرے کے دوران اسرائیل کے پرچم کو آگ لگائی تھی۔

البتہ ذرائع ابلاغ نے اس بحرینی نوجوان کی شناخت ظاہر نہیں کی تاہم بحرین کے عوام نے اس پر زبردست احتجاج کیا اور اس کی مذمت کرتے ہوئے کہا کہ آل خلیفہ کی حکومت نے اسرائیل کو خوش کرنے کیلئے بحرینی نوجوان کو سزا دی۔

آل خلیفہ کی حکومت بحرین کے عوام کی مخالفتوں کے باوجود گزشتہ برسوں میں سعودی عرب اور متحدہ عرب امارات کے ساتھ اسرائیل کے ساتھ تعلقات معمول پر لانے کی کوشش کر رہی ہے اور شاید یہی وجہ ہے کہ آل خلیفہ کی حکومت نے بحرین میں 25 اور 26 جون کو بحرین کانفرنس کا انعقاد کر کے سینچری ڈیل کے پہلے مرحلے پرعمل در آمد کیا۔

ٹیگس

کمنٹس