SAHAR

لاھور میں میڈیا سے بات چیت کرتے ہوئے بلاول بھٹو زرداری کا کہنا تھا کہ نالائق اور نااہل حکومت نے صرف غریب پر بوجھ ڈالا ہے اور سب جانتے ہیں کہ مہنگائی میں کس قدر اضافہ ہوا ہے۔

انہوں نے طنزیہ انداز میں کہا کہ ایماندار وزیراعظم آنے کے بعد کرپشن کیوں اضافہ ہوا ہے۔ 

بلاول بھٹوزرداری نے ایک بار پھر یہ بات زور دے کر کہی کہ حکومت اور آئی ایم ایف کے درمیان ہونے والے معاہدہ ملک اور قوم کے مفاد میں نہیں ہے۔

بلاول بھٹو زرداری نے کہا کہ موجودہ حکومت امیر طبقے کو ایمنسٹی فراہم کرتی ہے جبکہ ہماری خواہش ہے کہ چھوٹے تاجر اور غریب عوام کے لیے بھی ایمنسٹی اسکیم لائی جائے۔

پاکستان پیپلز پارٹی کے چیرمین نے وزیر اعظم عمران خان کو مخاطب کرکے کہا کہ وہ دوبارہ معاہدہ کرکے واپس آئیں جو پاکستان اور اس کی معیشت کے لیے سود مند ہو۔