فلسطینیوں کیلئے خونریز جمعہ
Jul ۲۲, ۲۰۱۷ ۰۳:۱۵ Asia/Tehran
فوٹو گیلری
ہمارے نمائندے کے مطابق غاصب صیہونی فوجیوں نے فلسطینی نوجوانوں کو مشرقی بیت المقدس کے علاقے جبل المکبر میں گولیوں کا نشانہ بنایا۔
تین فلسطینی نوجوانوں کی شہادت کے بعد اکتوبر دو ہزار پندرہ سے جاری تحریک انتفاضہ قدس کے دوران شہید ہونے والے فلسطینیوں کی تعداد تین سو تینتالیس ہو گئی ہے۔
جمعے کی صبح فلسطینیوں کو نماز کی ادائیگی سے روکنے کی غرض سے مسجد الاقصی کا محاصرہ کرنے والے صہیونی فوجیوں کے حملے میں درجنوں فلسطینی زخمی ہوئے ہیں۔
مسجدالاقصی کو ان دنوں صہیونی فوجیوں اور آبادکاروں کے حملے کا سامنا ہے اور اسرائیل نے فلسطینیوں کے مسجدالاقصی میں داخلے پر پابندی عائد کر دی ہے۔
