SAHAR

تہران میں پیر کے روز قرآن مجید کی پچّیسویں بین الاقوامی نمائش کا آغاز ہو گیا۔

تہران کے امام خمینی مصلی نامی مقام پر قرآن مجید کی شروع ہونے والی اس نمائش کی افتتاحی تقریب میں ایران کے وزیر ثقافت و ارشاد اسلامی اور ملکی و غیر ملکی قاریوں نیز قرآنی محققین نے بھی شرکت کی۔تہران میں منعقدہ قرآن مجید کی اس بین الاقوامی نمائش میں تقریبا پچاس تنظیموں اور اداروں نے شرکت کی ہے۔ نمائش کے دوران بیس قرآنی تحقیقات اور قرآن مجید سے متعلق ایک دستاویزی فلم کی رونمائی بھی کی جائے گی۔قرآن مجید کی پچّیسویں بین الاقوامی نمائش میں ایران کے دو سو اکیاسی اور مختلف ملکوں منجملہ ترکی، عراق، لبنان اور شام کے سولہ ناشریں نے اپنے نام درج کرائے ہیں۔تہران میں منعقدہ قرآن مجید کی یہ بین الاقوامی نمائش، چھبّیس خرداد مطابق سولہ جون تک جاری رہے گی۔