Jun ۱۸, ۲۰۱۹ ۱۱:۰۵ Asia/Tehran
  • ایران اور روس اچھے دوست اور شراکت دار: روس

روس نے ایران کے ساتھ اقتصادی تعلقات کے مزید فروغ پر تاکید کی۔

روسی وزیر توانائی نے کہا ہے کہ ایران اور روس ایک دوسرے کے ساتھ اچھے دوست اور شراکت دار ہیں اور دونوں ممالک باہمی مشترکہ تعلقات بڑھانے کے لئے پر عزم ہیں.

روس کے وزیر توانائی الیکزینڈر نوواک نے پیر کے روز اصفہان میں منعقدہ ایران اور روس کے درمیان مشترکہ اقتصادی اور تجارتی کمیشن کے 15 ویں اجلاس کے بعد صحافیوں سے گفتگو کرتے ہوئے کہا کہ ایران اور روس ایک دوسرے کے ساتھ اچھے دوست اور شراکت دار ہیں اور دونوں ممالک باہمی مشترکہ تعلقات  کے فروغ کے لئے پرعزم ہیں.

انہوں نے کہا کہ مجھے یقین ہے کہ اس اجلاس کے انعقاد سے اقتصادی تعلقات کے فروغ کے ساتھ ساتھ ایران اور روس کے درمیان مشترکہ ثقافتی تعلقات کے فروغ میں بھی مدد ملے گی.

ٹیگس

کمنٹس