SAHAR

چین اور روس کی حکومتوں نے سلامتی کونسل سے مطالبہ کیا ہے کہ وہ جمعرات تک اپنا اجلاس طلب کرے تاکہ درمیانہ فاصلے تک مار کرنے والے میزائلوں کی توسیع اور تنصیب سے متعلق امریکی حکام کے بیانات اور اقدامات کا جائزہ لیا جاسکے۔اس طر ح چین اور روس نے سلامتی کونسل کے تمام پندرہ ارکان سے، عالمی امن و سلامتی کو درپیش خطرات، کے ایجنڈے پر اس اجلاس میں شرکت کی درخواست کی ہے۔دونوں ملکوں نے اقوام متحدہ کے ترک اسلحہ کے امور کے سربراہ ایزومی ناکامتسو سے بھی اپیل کی ہے کہ وہ عالمی ادارے کو اس معاملے سے آگاہ کریں۔امریکی وزارت جنگ پینٹاگون نے پیر کے روز درمیانہ فاصلے تک مار کرنے والے جدید ترین کروز میزائل کے تجربے کا اعلان کیا تھا۔آئی این ایف معاہدے سے علیحدگی کے بعد، امریکہ نے درمیانہ فاصلے تک مار کرنے والے جدید ترین میزائل کا یہ پہلا تجربہ کیا