امریکہ کو چین کا انتباہ
May ۲۲, ۲۰۲۰ ۲۱:۴۷ Asia/Tehran
چین نے امریکہ کو دھمکی دی ہے کہ اگر امریکی کانگریس میں بیجنگ کے خلاف کوئی بل پاس کیا گیا تو اس کا بھرپور جواب دیا جائے گا۔
چینی پارلیمنٹ کے ترجمان ژانگ یسوی نے ایک پریس کانفرنس میں کہا کہ امریکی کانگریس میں اگر کورونا وائرس کے پھیلاؤ کی بنا پر چین کے خلاف کوئی بل منظور کیا گیا تو بیجنگ اس کا جواب دے گا۔
امریکہ کے ریپبلکن سینیٹروں نے گذشتہ ہفتے ایک بل پیش کیا ہے جس سے ٹرمپ کو یہ موقع مل جائے گا کہ اگر بیجنگ نے کورونا وائرس کے پھیلاؤ کا جواب نہیں دیا تو اس پر پابندی عائد کر سکیں۔
کورونا وائرس پھیلنے کے باعث چین اور امریکہ کے درمیان کشیدگی بڑھ گئی ہے۔ واشنگٹن چین پر کورونا وائرس پھیلانے کا الزام لگاتا ہے، جبکہ چین اس کی سختی سے تردید کرتا ہے -