SAHAR

روس کے نائب وزیر خارجہ سرگئی ریابکوف نے کہا ہے کہ پاکستان اور روس کے درمیان فوجی تعاون میں توسیع سے روس اور ہندوستان کے تعلقات پر منفی اثرات مرتب نہیں ہوں گے-

اطلاعات کے مطابق روسی نائب وزیر خارجہ سرگئی ریابکوف نے جمعہ کے روز ایک تقریر میں ایم آئی پینتیس قسم کے ہیلی کاپٹروں کی فراہمی کے بارے میں پاکستان کے ساتھ دو جانبہ معاہدے کا ذکر کرتے ہوئے کہا کہ اسلام آباد اور ماسکو کے درمیان تعاون سے روس اور ہندوستان کے تعلقات پر منفی اثرات مرتب نہیں ہوں گے- انہوں نے پاکستان کو روس کا ںزدیک ترین شریک قرار دیا اور کہا کہ پاکستان اور روس مختلف شعبوں، خاص طور سے توانائی کے شعبے، میں تعاون میں فروغ کے خواہاں ہیں- سرگئی ریابکوف نے کہا کہ روس اور پاکستان کے درمیان سوخو پینتیس قسم کے جنگی طیاروں کی فراہمی کے بارے میں مذاکرات جاری ہیں- قابل ذکر ہے کہ جنگی طیاروں کی چوتھی نسل کے دو انجن والے سوخو پینتیس قسم کے جنگی طیارے ایسے طیارے ہیں جو جیٹ جنگی طیاروں کی پانچویں نسل کی ٹیکنالوجی کے حامل ہیں اور ان کی رفتار بھی بہت تیز ہوتی ہے-