ڈاکٹر علی لاریجانی: ایران کی قوم کسی دھمکی سے نہیں ڈرتی

Mar ۱۰, ۲۰۲۶ ۲۰:۲۰ Asia/Tehran

ایران کی سپریم نیشنل سیکیورٹی کونسل کے سیکریٹری ڈاکٹر علی لاریجانی نے امریکی صدر ڈونلڈ ٹرمپ کی دھمکیوں پر ردعمل دیتے ہوئے کہا ہے کہ ایران کی قوم کسی دھمکی سے نہیں ڈرتی اور تاریخ میں اس سے زیادہ طاقتور قوتیں بھی ایرانی قوم کو ختم نہیں کر سکیں۔

سحرنیوز/ایران: ایرنا کے مطابق علی لاریجانی نے منگل کو سماجی رابطے کی ویب سائٹ ایکس پر اپنے پیغام میں ٹرمپ کو مخاطب کرتے ہوئے لکھا کہ عاشورائی جذبے سے سرشار ایرانی قوم کھوکھلی دھمکیوں سے خوفزدہ نہیں ہوتی۔

انہوں نے کہا کہ ٹرمپ سے زیادہ طاقتور لوگ بھی ایرانی قوم کو مٹانے میں ناکام رہے ہیں، اس لیے بہتر ہے کہ وہ خود محتاط رہیں۔
یہ بیان اس وقت سامنے آیا جب ڈونلڈ ٹرمپ نے اپنی سوشل میڈیا پوسٹ میں کہا تھا کہ اگر ایران نے آبنائے ہرمز میں تیل کی ترسیل روکنے کی کوئی کوشش کی تو امریکہ ایران کو پہلے سے 20 گنا زیادہ سخت جواب دے گا۔