SAHAR

ہندوستان کی ریاست چھتیس گڑھ کے علاقے سکما میں سیکورٹی فورس نے ایک کارروائی کے دوران آٹھ ماؤ نواز باغیوں کو ہلاک کردیاہے -

رائے پور سے موصولہ خبروں میں بتایا گیا ہے کہ ریاست چھتیس گڑھ کے سکما ضلع میں جہاں نکسلائٹ چھاپہ ماروں کا اثر ہے سیکورٹی فورس نے آ ٹھ ماؤ نواز یا نکسلائٹ چھاپہ ماروں کو ہلاک کردیا جن میں پانچ ماؤ نواز عورتیں بھی شامل ہیں - پولیس کا کہنا ہے یہ کارروائی سکما ضلع کے ایک جنگل میں کی گئی -پولیس کا یہ بھی کہنا ہے کہ یہ کارروائی ریاست تلنگانہ کے سیکورٹی دستے نے انجام دی - اس سے پہلے ریاست چھتیس گڑھ سے متصل ریاست تلنگانہ کی پولیس کو یہ اطلاع ملی تھی کہ ریاست سےملحقہ چھتیس گڑھ کے ایک جنگل میں مسلح ماؤ نواز باغی روپوش ہیں - اس اطلاع کے بعد دونوں ریاستوں کی سیکورٹی فورس کی ہم آہنگی سے یہ کارروائی انجام پائی -