SAHAR

ہندوستان کی ریاست چھتیس گڑھ میں ماؤ نواز چھاپہ ماروں کے ذریعے کئے گئے ایک بم دھماکے میں سات سیکورٹی اہلکار ہلاک ہو گئے۔

ریاست چھتیس گڑھ کے وزیر داخلہ نے اس واقعے کی تصدیق کرتے ہوئے بتایا کہ سی آر پی ایف کی ایک بٹالین کے جوان ریاست کے دنتے واڑا ضلع سے بارہ کلومیٹر دور میلواڑا علاقے سے سرچ آپریشن کے بعد لوٹ رہے تھے کہ اسی وقت سی آر پی ایف کی ایک گاڑی کے راستے میں زور داربم دھماکہ ہوا- حکام کا کہنا ہے کہ دھماکہ اتنا شدید تھا کہ گاڑی کے پڑخچے اڑ گئے- اس دھماکے میں سی آرپی ایف کے سات اہلکار ہلاک جبکہ متعدد دیگر شدید زخمی ہوئے ہیں-

اس سے پہلے ریاست چھتیس گڑھ میں ہی نارائن پور ضلع میں ایک معرکہ آرائی میں پولیس نے تین ماؤ نواز باغیوں کو ہلاک کر دیا- سیکورٹی حکام کا کہنا ہے کہ مارے گئے ماؤ نواز باغیوں میں ایک ماؤ نواز یا نکسلی عورت بھی شامل ہے۔