SAHAR

جنرل منوج مکنڈ نروانے نے جمعے کو اعلان کیا کہ ہندوستان نے پاکستان سے ملحق سرحدی علاقے میں فوجی اقدامات بڑھا دیئے ہیں اور دیگر جدید ترین ہتھیاروں کے ساتھ ہی اسرائیلی ساخت کے اسپایک ٹینک شکن میزائلوں کو بھی تعینات کردیا ہے۔ ہندوستانی فوج کے سربراہ نے یہ دعوی کرتے ہوئے کہ پاکستان، کشمیر کے راستے ہندوستان میں چھاپہ ماروں کو بھیجنا چاہتا ہے کہا کہ کنٹرول لائن پر جنگ بندی کی خلاف ورزی میں اضافہ ہوا ہے۔ 

ہندوستان اور پاکستان کے درمیان دوہزار تین میں جنگ بندی معاہدہ طے پایا تھا لیکن اس وقت سے لے کر اب تک دونوں ملکوں نے با رہا اس کی خلاف ورزی کی ہے۔ 

کشمیر ، ہندوستان اور پاکستان کے درمیان ایک متنازعہ مسئلہ ہے اور دونوں ملک اس پر مالکیت کے دعوے دار ہے۔ کشمیر کے عوام اقوام متحدہ کی قراردادوں پر عمل درآمد کے خواہاں ہیں لیکن حکومت ہندوستان ہمیشہ اس کی مخالفت کرتی ہے۔