ہندوستان کے زیر انتظام کشمیر میں سیکورٹی فورسز کے ساتھ جھڑپ میں دو عسکریت پسندوں کے مارے جانے کی خبر ہے۔

سرینگر سے موصولہ رپورٹ میں بتایا گیا ہے کہ ہندوستان کے زیر انتظام کشمیر کے جنوبی ضلع اننت ناگ کے علاقے ٹینگہ پاوا میں اتوار کی رات عسکریت پسندوں کی موجودگی کی اطلا ع ملنے کے بعد سرچ آپریشن شروع کیا گیا ۔ اس رپورٹ کے مطابق پولیس نے دعوی کیا ہے کہ آپریشن شروع ہونے کے تھوڑی ہی دیر بعد عسکریت پسندوں نے فائرنگ شروع کردی جس کے بعد جھڑپوں کا سلسلہ شروع ہوا جو منگل کی صبح تک جاری رہا ۔

سرکاری ذرائع کے حوالے سے رپورٹ میں بتایا گیا ہے کہ تصادم میں دو عسکریت پسند جاں بحق ہو گئے ۔ رپورٹ میں یہ نہیں بتایا گیا کہ جھڑپ میں سیکورٹی فورسز کے کتنے لوگ ہلاک یا زخمی ہوئے ہیں ۔آخری اطلاع ملنے تک آپریشن جاری تھا۔