ہندوستان کی ریاست مہاراشٹر میں دو گاڑیوں کے آپس میں ٹکرانے سے سات افراد کی موت ہو گئی جبکہ چار دیگر زخمی ہو گئے۔

سحرنیوز/ہندوستان: ہندوستان کی سرکاری خبر رسان ایجنسی یو این آئی کے مطابق یہ واقعہ گزشتہ شب ممبئی ۔ ناگپور ایکسپریس وے پر پیش آیا جب ناگپور سے ممبئی کی طرف جانے والی ایک کار کو مخالف سمت سے آنے والی کار نے زوردار ٹکر مار دی۔
واضح رہے کہ ہندوستان میں سڑک حادثوں کی شرح زیادہ ہے اور ورلڈ اکنامک فورم کی رپورٹ کے مطابق ہندوستان ٹریفک حادثوں میں دنیا میں پہلے نمبر پر ہے۔