ہندوستان کے وزیر اعظم نریندر مودی دو ملکی دورے کے پہلے مرحلے میں پولینڈ کے دارالحکومت وارسا پہنچ گئے ہیں۔

سحرنیوز/ہندوستان: پچھلے 45 برس میں کسی ہندوستانی وزیر اعظم کا پولینڈ کا یہ پہلا دورہ ہے۔ مسٹر مودی کا یہ دورہ اپنے پولش ہم منصب ڈونلڈ ٹسک کی دعوت پر انجام پارہا ہے۔ دو روزہ سرکاری دورے پر ہیں۔ انہوں نے کہا کہ ان کے دورے سے دوطرفہ تعلقات میں تیزی آئے گی۔
وزیراعظم نریندر مودی نے اپنے سوشل میڈیا پیغام میں امید ظاہر کی ہے کہ ان کے اس دورے سے دونوں ملکوں کی دوستی کی رفتار مزید تیز ہوگی۔ ہندوستان کے وزیر اعظم پولینڈ کے بعد یوکرین کا بھی دورہ کریں گے۔