SAHAR

اسلامی جمہوریہ ایران کے وزیر خارجہ چین کے اعلی حکام کے ساتھ مذاکرات کے مقصد سے پیر کی صبح کو چین کے دارالحکومت بیجنگ کے لئے روانہ ہوگئے-

ہمارے نامہ نگار کی رپورٹ کے مطابق ایران کے وزیرخارجہ محمد جواد ظریف بیجنگ میں اپنے قیام کے دوران ویانا ایٹمی معاہدے سمیت دوطرفہ مسائل اور عالمی و علاقائی معاملات پر چینی حکام سے تبادلہ خیال کریں گے-

 ایران کے وزیر خارجہ کا یہ دورہ، چین کے وزیر خارجہ کی دعوت پر انجام پا رہا ہے۔ ایران اور گروپ پانچ جمع ایک کے درمیان ایٹمی معاہدے کے بعد ایران کے وزیر خارجہ کا یہ پہلا دورۂ چین ہے- ایران کے وزیر خارجہ چین کے دورے کے بعد بنگلادیش جائیں گے اور تہران ڈھاکہ تعلقات کے فروغ کے بارے میں اس ملک کے حکام کے ساتھ تبادلۂ خیال کریں گے-