SAHAR

ایران کے نائب وزیر خارجہ نے شمالی شام میں خان طومان پر دہشت گرد گروہوں کے حملے کی مذمت کرتے ہوئے کہا ہے کہ روسی حکام کے ساتھ ملاقات میں شام میں فائر بندی کی خلاف ورزی کے عوامل پر خاص طور سے گفتگو ہوئی ہے۔

اسلامی جمہوریہ ایران کے نائب وزیر خارجہ حسین امیر عبد اللہیان نے ہفتے کی رات ایک بیان میں شمالی شام میں خان طومان پر دہشت گردوں اور مسلح گروہوں کے مشترکہ حملے کی طرف اشارہ کرتے ہوئے کہا ہے کہ یہ اقدام اس بات کو ثابت کرتا ہے کہ دہشت گرد، فائر بندی کے عمل سے غلط فائدہ اٹھا رہے ہیں۔

انھوں نے کہا کہ ان گروہوں کو بعض بیرونی ملکوں کی حمایت حاصل ہے جو فوجی حملے جاری رکھنا چاہتے ہیں اور سیاسی راہ حل پر یقین نہیں رکھتے۔ ایران کے نائب وزیر خارجہ حسین امیر عبد اللہیان نے کہا کہ ایران نے بارہا اعلان کیا ہے کہ بحران شام کو صرف سیاسی طریقے سے حل کیا جا سکتا ہے اور عالمی برادری کو چاہئے کہ مسلح اور دہشت گرد گروہوں کے حملے کی مذمت اور ان کے خلاف تادیبی کارروائی کرے تاکہ بحران شام کے سیاسی حل کے عمل کو آگے بڑھانے کا موقع فراہم ہو سکے۔