ایرانی انٹلی جنس کا اہم کارنامہ "نہاں خانہ عنکبوت"
ایران کے انٹیلیجنس کے وزیر نے بتایا ہے کہ صیہونی حکومت کے بارے میں ایران منتقل کی جانے والی اہم انٹیلیجنس اطلاعات دسیوں لاکھ صفحات پر مشتمل ہیں اور اسرائیلی اسلحے سے متعلق انٹیلیجنس اطلاعات کو دستاویزی شکل دے دیا گیا ہے ۔
سحرنیوز/ایران: "نہاں خانہ عنکبوت" ڈاکو منٹری بدھ کی رات ایران ٹی وی سے نشر کی گئی ۔
یہ ڈاکومنٹری صیہونی حکومت کی اسلحہ جاتی انٹیلیجنس انفارمیشن، صیہونی اسلحہ جاتی پروجکٹوں کے سینیئر ڈائیرکٹروں، سائنسدانوں اور محققین کی فہرست اور مذکورہ پروجکٹوں پر کام کرنے والے امریکی اور یورپی سائنسدانوں پر مشتمل ہے۔
اسلامی جمہوریہ ایران کے انٹیلیجنس کے وزیر نے بتایا کہ مذکورہ انٹیلیجنس انفارمیشن اور ان کی دستاویزات کی کامیاب ایران منتقلی، پیچیدہ انٹلیجنس کارروائیوں کے ذریعے عمل میں آئی ہے۔
انھوں نے بتایا کہ ایران منتقل کی جانے والی انٹلیجنس انفارمیشن سے متعلق یہ دستاویزات دسیوں لاکھ صفحات پر مشتمل ہیں ۔
ایران کے انٹلیجنس کے وزیر نے بتایا کہ ان دستاویزات میں، غاصب صیہونی حکومت کے ماضی کے اسلحے کے پروجکٹوں، ایٹمی ہتھیاروں اور ان کی جدید کاری کے پروجکٹ، صیہونی حکومت، امریکا اور یورپ کے مشترکہ پروجکٹوں کے علاوہ، جوہری ہتھیاروں سے تعلق رکھنے والوں اور ان کے اداری اور دفتری ڈھانچے کی مکمل معلومات موجود ہیں۔
ایران کے انٹلیجنس کے وزیر نے بتایا کہ ان دستاویزات میں انسانیت مخالف اسلحہ پروجکٹوں کے سینیئر افسران، سائنسدانوں اور محققین اور متعلقہ پروجکٹوں سے منسلک امریکی اور یورپی سائنسدانوں کی فہرست ، تنصیبات کی لوکیشن ،کمپنیوں اور سبھی کارکنوں کے نام وغیرہ بھی ان دستاویزات میں موجود ہیں۔
