SAHAR

جاپانی وزیراعظم آبہ شینزو نے ٹوکیو میں ایک پریس کانفرنس میں کہا کہ وہ مغربی ایشیا میں کشیدگی کو کم کرانے کے لئے ستمبر کے وسط میں اقوام متحدہ کی جنرل اسمبلی کے سالانہ اجلاس کے موقع پر اسلامی جمہوریہ ایران کے صدر حسن روحانی سے ملاقات کریں گے۔ جاپان کے وزیراعظم نےگذشتہ بارہ جون کو بھی ایران اور امریکا کے درمیان کشیدگی کو کم کرنے کے مقصد سے تہران کا دورہ کیا تھا۔انہوں نے اپنے دورہ تہران میں ایران کے صدر حسن روحانی اور رہبرانقلاب اسلامی آیت اللہ العظمی سید علی خامنہ سے الگ الگ ملاقاتیں کی تھیں۔ واضح رہے کہ ایٹمی معاہدے سے امریکا کی علیحدگی مغربی ایشیا میں کشیدگی میں اضافے کی اصلی وجہ ہے۔