SAHAR

 صدر ایران نے ڈاکٹر حسن روحانی نے قطر کے امیر سے بات چیت کرتے ہوئے جنرل قاسم سلیمانی  کے قتل کو امریکہ کا سنگین ترین جرم قرار دیا۔ انہوں نے دنیا بھر کے ملکوں اور خاص سے ہمسایہ ممالک  سے اپیل کی کہ وہ اس جرم کی کھل کر مذمت کریں۔ 

 صدر ایران نے یہ بات زور دے کر کہی کہ جنرل قاسم کا سلیمانی عراقی حکومت کے مہمان تھے اور عراقی سرزمین پر ان کا قتل عراق کے اقتدار اعلی کی کھلی توہین اور ایران کی عظیم قوم کے خلاف سنگین ترین جرم ہے۔ انہوں نے امریکہ کے اس مجرمانہ اقدام کے خلاف ایران کی جوابی کارروائی کی جانب اشارہ کرتے ہوئے کہا کہ اگر امریکہ نے ہمارے اقدام کے جواب میں کوئی حملہ کیا تو اسے بہت بڑے اور تباہ کن جواب کا سامنا کرنا پڑے گا۔ 

صدر ایران نے مزید کہا کہ  پڑوسیوں کے درمیان تعاون کی تقویت اور بیرونی طاقتوں کی  مداخلت کا خاتمہ، ‎خطے کی سلامتی کے تحفظ کا واحد راستہ ہے۔

قطر کے امیر شیخ تمیم بن حمد بن خلیفہ آل ثانی نے اس موقع پر کہا کہ ان کا ملک اپنے خلاف پابندیوں کے حوالے سے ایران کے عوام اور حکومت کے انسان دوستانہ موقف کو ہرگز فراموش نہیں کرے گا۔ شیخ تمیم بن حمد بن خلیفہ آل ثانی نے کہا کہ قطر کی حکومت اور عوام ایران کے خلاف کشیدگی پیدا کیے جانے کے خلاف ہیں۔